सेयर बाट अहिलेसम्म लगानीकर्ताले गुमाए ६ खर्ब ७१ अर्बकाे सम्पत्ति

अर्थ
शेयर गर्नु होला

 

निरन्तरको बजार घटाइले १८८१ बिन्दुमा नेप्से परिसूचक हुँदा सेयर बजारमा लगानीकर्ताको सम्पत्ति बढेर २० खर्ब ७१ अर्ब रुपैयाँसम्म पुगेकोमा अैतबार अैइपुग्दा १४ खर्ब रुपैयाँमा ओर्लिएकाे छ ।

सूचक निरन्तर घटेसँगै उनीहरुको सम्पत्ति दिनप्रतिदिन घट्दै जान थालेकाे हाे । उनीरूले यसबिचमा सेयर बजारबाट ६ खर्ब ७१ अर्ब रूपैयाँ गुमाइसकेका छन्।

साताको पहिलो दिन अाईतबर पनि सेयर बजार परिसूचक मापक नेप्से १४ अंकले घटेर ११८२।५३ बिन्दुमा अडिएको छ । समग्र नेप्से र नेप्सेमा सूचीकृत ‘क’ बर्गको कारोबार मापक सेन्सेटिभ इन्डेक्स दुबै एक प्रतिशत बढीले ओरालो लागेका छन् ।
अैतबार कारोबार भएका कुनै पनि कम्पनीको सेयर कारोबार एक करोड नाघ्न सकेको छैन ।

सबैभन्दा बढी सेयर कारोबार भएको नेपाल बैंकको ८० लाख एक हजार रुपैयाँ बराबरको २७ हजार ४१७ कित्ता सेयर खरिद विक्री भएका छन् । नेशनल लाईफको ७५ लाख,नबिल बैंक संस्थापक ७२ लाख, नेपाल टेलिकम, नेपाल इन्भेष्टमेन्ट, कुमारी, नेपाल एसबिअैइ बैंकको पनि ५० लाख रूपैयाँ बढीको सेयर कारोबार भएको छ ।

यसदिन १५८ कम्पनीको ६ लाख १९ हजार कित्ता सेयर १९ करोड ७२ लाख रुपैयाँ बराबरमा खरिदविक्री भएका छन् ।अाईतबर  बैंकिङ्ग उप समूहमा ८ करोड १४ लाख, बीमा ३ करोड ७९ लाख, फाइनान्स एक करोड ८३ लाख र विकास बैंक उप समूहमा एक करोड ४३ लाखको कारोबार हुँदा मुस्किलले पौने २० करोड कारोबार भएको छ । जुन गत बिहीबारको भन्दा पाँच करोड कम कारोबार हो ।

कारोबारमा आएका नौं वटै उप-समूहमा रातो पोतिएको छ । सबैभन्दा बढी बीमाको सुचक ८९ अंकले घटेको छ । लघुवित्त २५।७४, विकास बैंक २०।१४, होटल १८।६४, जलविद्युत १५।७० र बैंकिङ्ग १२।१४ अंकले घटेको छ । बाँकी सबै उप समूह पनि सामान्य घटेका छन् ।


शेयर गर्नु होला

Leave a Reply

Your email address will not be published.