उत्तर कोरियाली नेता किम जोङका दाजु अमेरिकी गुप्तचर सीआईएका एजेन्ट

अन्तर्राष्ट्रिय

वासिंगटन 

उत्तर कोरियाली नेता किम जोङ–उनका सौतेनी दाजु किम जोङ–नाम अमेरिकी गुप्तचर एजेन्सी सीआइएका एजेन्ट भएको दाबी बाहिर आएको छ । उनले केही पटक सीआइएका अधिकारीहरुसँग छलफल समेत गरेको बताइेको छ ।

दक्षिण कोरियाली अधिकारीहरुले उत्तर कोरियाली नेता किमले उनको हत्या गर्न आदेश दिएअनुसार नै किम जोङ नामको हत्या भएको दाबी गरेका छन् । यद्यपि उत्तर कोरियाले यो आरोपको खण्डन गर्दै आएको छ ।

सीआइएका सँग सम्बन्ध रहेको सञ्चारमाध्यममा रिपोर्ट आएपनि किम र  सीआइएका बीचको सम्बन्धबारे विस्तृत रुपमा स्पष्ट भैसकेको छैन । वाल स्ट्रिट जर्नलका अनुसार  सीआइएकाका गुप्तचरसँग ४५ वर्षीय किमको केही पटक कुराकानी भैसकेको थियो । यसबारे जानकारी राख्ने नाम उल्लेख नगरिएका व्यक्तिलाई उदृत गर्दै यो समाचार प्रकाशित भएको हो ।

सन् २०१७ मा मलेसियाको क्लालम्पुरस्थित विमानस्थलमा उनको हत्या भएको थियो । दुई युवतीले उनको अनुहारमा बिषालु भीएक्स नर्भ एजेन्ट दलेर भागेलगत्तै उनी ढलेका थिए । तत्काल अस्पताल लगिएका उनलाई मृत घोषणा गरिएको थियो । राजधानी दैनिक