शेयर बजार : नेप्से झिनो अङ्कले बढ्यो

अर्थ

काठमाडाैं

लगातार ओरालो लाग्दै आएको शेयर बजार कारोवार मापक नेप्से परिसूचकमा आज भने झिनो अङ्कले सुधार भएको छ। नेपाल स्टक एक्सचेञ्जका अनुसार नेप्से परिसूचक ०.१३ बिन्दुले सुधार आइ एक हजार २३३.८५ बिन्दुमा कायम भएको छ। यस्तै सेन्सेटिभ परिसूचक ०.१२ बिन्दुले बढेर २६७.७२ बिन्दुमा पुगेको छ।

नेप्सेमा सामान्य सुधार भए पनि कारोवार रकममा भने सुधार देखिएको छैन। कूल १७१ कम्पनीको १८ लाख २१ हजार ८२२ कित्ता शेयर ३१ करोड ४२ लाख २८ हजार ९२१ रुपैयाँ मूल्यमा खरीद बिक्री भए।

स्टकका अनुसार कारोवार भएका १२ उपसमूहमध्ये आज पाँच उपसमूहको शेयर ओरालो लागेको छ भने सात उपसमूहको शेयर उकालो लागेको छ। बैंकिङ ०.४२, व्यापार ६.२५, जलविद्युत् २.५२, निर्जीवन बीमा ३४.३२ र अन्य उपसमूह ०.८५ बिन्दुले घटेको छ।

यस्तै होटल २०.५९, विकास बैंक ५.२१, वित्त २.९१, उत्पादन ८.१५, लघुवित्त ५.०५, जीवन बीमा १९.६१ र सामूहिक लगानी कोष ०.०४ बिन्दुले बढेको छ।

स्टकका अनुसार कारोवारका आधारमा रसुवागढी जलविद्युत् कम्पनी शीर्ष स्थानमा छ। सो कम्पनीको दुई करोड ५९ लाख तीन हजार ४०० रुपैयाँ मूल्य बराबरको शेयर खरीद–बिक्री भए। यस्तै साञ्जेन जलविद्युत् कम्पनी एक करोड ४९ लाख ४२ हजार ३८० रुपैयाँ, प्रभुु बैंक एक करोड ३८ लाख ४४ हजार ७१ रुपैयाँ, मेघा बैंक लिमिटेड संस्थापक शेयर एक करोड २६ लाख ९४ हजार रुपैयाँ, एनआइसि बैंक एक करोड २४ लाख ९२ हजार ६६६ रुपैयाँ मूल्यमा कारोवार भैइ शीर्ष स्थानमा रहे।

आज बढी कमाउनेमा नाडेप लघुवित्त वित्तीय संस्था ९.८९, बल्र्ड मर्चेन्ट बैंकिङ एण्ड फाइनान्स ९.०९, नेपाल सेवा लघुवित्त वित्तीय संस्था ७.७३, जोशी हाइड्रोपावर ७.३५ र मिथिला लघुवित्त वित्तीय संस्थाका शेयरधनीले पाँच प्रतिशतले कमाए।

यस्तै, विशाल बजार कम्पनी ५.२६, एनाऐबिएल प्रगति फण्ड ४.७२, एनाऐबिएल समृद्धि फण्ड एक ३.९१, नेपाल एग्रो लघुवित्त वित्तीयी संस्था ३.३७ र लक्ष्मी लघुवित्त वित्तीय संस्थाका शेयरधनीले ३.३२ प्रतिशतले गुमाएका छन्।रासस