अगाडि बढ्ने बाटो खोल्न कमल थापालाई लिङ्देनको आग्रह

Breaking News राजनीति
शेयर गर्नु होला

काठमाडौ – राष्ट्रिय प्रजातन्त्र पार्टी (राप्रपा)का महामन्त्री राजेन्द्र लिङ्देनले समयको पदचापलाई बुझेर पार्टीलाई अगाडि बढ्ने बाटो खोलिदिन आग्रह गरेका छन। राप्रपाको एकता अधिवेशनमा उपस्थित अतिथि र प्रतिनिधिलाई स्वागत गर्दै लिङ्देनले यस्तो आग्रह गरेका हुन ।

नाम उल्लेख नगरी महामन्त्री लिङ्देनले अध्यक्ष कमल थापासँग यस्तो आग्रह गरेका हुन । अध्यक्ष प्रकाशचन्द्र लोहनीले आफूलाई भावी अध्यक्षको रुपमा समर्थन गरेको कुरालाई उल्लेख गर्दै लिङ्देनले यस्तो बताएका हुन । डा. लोहनीको साथप्रति ऋणी भएको भन्दै धन्यवाद दिनुभएका लिङ्देनले भने, ‘समयको पदचापलाई बुझेर तपाईंहरु राप्रपालाई अगाडि बढ्ने बाटो खोलिदिनुहोस् ।’

पार्टीमा अग्रज नेताको योगदान र भूमिका अझै आवश्यक भए पनि कार्यकारी भूमिका परिवर्तन हुनुपर्ने उनको भनाइ छ । ‘तपाईंहरु काम नलाग्ने हुनुभयो, फेल हुनुभयो भनेर हामीले भनेको छैन । तपाईंहरुको योगदान र भूमिका राप्रपामा अझै पनि चाहिन्छ’, लिङ्देनले भने, ‘तर, यो कार्यकारिणी भूमिकामा परिवर्तन गर्नुपर्यो । कार्यकारिणी भूमिका फेरेर हेर्नुपर्यो । म आग्रह गर्छु ।’


शेयर गर्नु होला

Leave a Reply

Your email address will not be published. Required fields are marked *